25, ოქტომბერი 2017 17:10:00
„ბაქრაძე-უგულავა ევროპული საქართველოს“ ხელვაჩაურის საკრებულოს პროპორციული სიის პირველი ნომერი 46-ე საარჩვენო უბნის გაბათილებას ითხოვს. პარტიაში განმარტავენ, რომ საარჩევნო ბიულეტენები დღის ბოლოს მნიშვნელოვნად აღემატებოდა ხმის მისაცემად მისულ ამომრჩეველს, ასევე დაულუქავი მივიდა ოლქში დოკუმენტაცია და ოქმები. მურად გორგაძე აცხადებს, რომ მას შემდეგ, რაც შემაჯამბეელი ოქმი შეასწორეს, საუბნო კომისიის ორი წევრის ხელმოწერა გააყალბეს. ამავეს ადასტურებს ერთ-ერთი წევრიც. ამბობს, რომ მან ოქმში შესწორების შტანის თაობაზე არაფერი იცოდა, ამიტომ ოლქს დღეს საჩივრით თავადაც მიმართეს. ხელვაჩაურის საარჩევნო ოლქის თავმჯდომარე აცხადებს, რომ დეტალურად მას შემდეგ შეძლებს საუბარს, როდესაც საჩივრების განხილვას დაიწყებენ. განხილვები კი დღეს, 18 საათზე უნდა დაიწყოს.