26, ოქტომბერი 2017 14:08:00
ბათუმის საქალაქო სასამართლომ არც ,,სამართლიანი არჩევნების“ სარჩელი დააკმაყოფილა. საქმეზე გადაწყვეტილება მოსამართლე ლაშა თავართქილაძემ მიიღო. ,,სამართლიანი არჩევნები“ მოითხოვდა სასამართლოს 79-ე საოლქო საარჩევნო კომისიისთვის მათ მიერ წარდგენილი საჩივრების განხილვა დაევალებინა . ისინი ასევე ასაჩივრებდნენ 29-ე უბანზე დანომრილი ბიულეტენების არსებობას, რითაც ორგანიზაციის მტკიცებით ფარულობის პრინციპი დაირღვა. სასამართლოს განმარტებით, სარჩელი საოლქო კომისიაში შეტანილია დარღვევის დაფიქსირებიდან 4-5 საათის შემდეგ, კანონი კი მის დაუყოვნებლივ წარდგენას გულისხმობს. ,,სამართლიანი არჩევნები“ გადაწყვეტილების გასაჩივრებას გეგმავს.