06, ნოემბერი 2017 17:08:00
თამარის დასახლებაში, ნონეშვილის ქუჩაძე ჭადრისა და კაკლის ხეები მოჭრეს. როგორც ბათუმის მერიის კეთილმოწყობის სამსახურში ამბობენ, ხეები ქუჩაზე მიმდინარე კეთილმოწყობითი სამუშაოების გამო გაიჩეხა. იმის გამო, რომ ხეები დიდი ზომისაა, მათი გადარგვა, უწყების ცნობით ვერ მოხერხდა. სამუშაოების დასრულების შემდეგ მერიის გამწვანებისა და ლანდშაფტური დაგეგმარების სამსახური ქუჩაზე მოჭრილ ხეებს ახალი ნერგებით ჩაანაცვლებს, რაშიც პრობლემას ვერც ადგილობრივები ხედავენ. თამარის დასახლებაში, აღნიშნული ქუჩების კეთილმოწყობის პროექტის ფარგლებში, ახლა ქუჩაზე ბორდიურების მოწყობა და ფილების დაგება მიმდინარეობს. 18 ქუჩის მოსაწესრიგებლად ბიუჯეტიდან 4 მილიონ ნახევრამდე ლარი დაიხარჯება.