09, ნოემბერი 2017 14:05:00
ამ წუთებში ტურიზმის განვითარების სკოლის ფარგლებში მიმტანებსა და დასუფთავების სამსახურის თანამშრომლებს სერვისის გასაუმჯობესებლად ტრენინგი უტარდებათ. მათ რეგიონში მოქმედი გამოცდილი პრაქტიკოსი ტრენერები სტუმრის მომსახურებისა და მაღალი სერვისის შეთავაზების საერთაშორისო სტანდარტებს აცნობენ. შეხვედრის მიზანია სასტუმროებსა და კვების ობიექტებში დასუფთავების ხარისხის ამაღლება და მინიმალური სტანდარტების დამკვიდრება. წელს, ტურიზმის განვითარების სკოლის ფარგლებში მთიან აჭარასა და ბათუმში ტურიზმში დასაქმებული 307 ადამიანი გადამზადდა ისეთ საკითხებში, როგორებიცაა მომსახურების სტანდარტები, სურსათის უვნებლობა, დასუფთავება, პიარი და რეკლამა, ინტეგრირებული მარკეტინგული კომუნიკაციები.