15, ნოემბერი 2017 14:02:00
საწარმოებში მანდარინის ორგანიზებულად ჩაბარების მიზნით, ბათუმში საკოორდინაციო შტაბი გაიხსნა. მიმდინარე წელს არასტანდარტულ მანდარინს ორი კომპანია მიიღებს და გადაამუშავებს. წელსაც არასტანდარტული ციტრუსის ფასი 20 თეთრი იქნება, საიდანაც 10 თეთრის სუბსიდიას სახელმწიფო გასცემს. სოფლის მეურნეობის მინისტრის თქმით, საწარმოები არასტანდარტულ მანდარინს შეუზღუდავი რაოდენობით მიიღებენ. რაც შეეხება სტანდარტულ მანდარინს, ქობულეთის ცენტრალური საწარმო ციტრუსის მიღებას 20 ნოემბრიდან დაიწყებს. რეგიონში წელს 50-55 ათას ტონა მოსავალს პროგნოზირებენ.