06, დეკემბერი 2017 14:07:00
„გრანტების შესახებ“ კანონში ცვლილებები შევიდა. 2018 წლიდან სამინისტროებს შესაძლებლობა ექნებათ დაინტერესებულ პირებზე გრანტები ისევ პირდაპირი წესით გასცენ. კანონპროექტის ინიციატორის, ლადო მგალობლიშვილის განმარტებით, იმის გამო, რომ მოქმედი კანონმდებლობით, სამინისტროებს არ აქვთ უფლება პირდაპირი წესით ერთ პირთან გააფორმონ ხელშეკრულება, კულტურის სფეროში, თავისუფალი ინიციატივები ტენდერზე გადის, რის გამოც 50% ვარდება და იდეის ავტორი ხშირ შემთხვევაში უკმაყოფილოა. ცვლილებები შედის საზღვარგარეთ სწავლის პროგრამაშიც. თუკი აქამდე სტუდენტზე გაცემული თანხის 20 პროცენტი იბეგრებოდა, მომავალი წლიდან სტუდენტი თანხას სრულად მიიღებს. გრანტების პირდაპირი წესით გაცემის უფლება სამინისტროებს 2015 წლამდეც ჰქონდათ, ორი წლის წინ კი, შესწყიდვების კანონში შესული ცლილების საფუძველზე უწყებებს ამის შესაძლებლობა წაერთვათ.