05, თებერვალი 2018 14:11:00
აუდიტის სამსახურმა ეკომიგრანტთა პროგრამაში ხარვეზები დააფიქსია. საუბარია 2016-2017 წლებში ეკომიგრანტთა მიერ 64 შემთხვევაში შერჩეულ ისეთ საცხოვრისებზე, რომელთა ღირებულება მნიშვნელოვნად აჭარბებდა დახმარების სახით მიღებულ საბიუჯეტო დაფინანსებას. კერძოდ ბინები მდებარეობს ქალაქის ცენტრალურ ნაწილში და მოითხოვს პროგრამის ბენეფიციარების მხრიდან მნიშვნელოვან კერძო ინვესტიციას, რისი საშუალებაც მათ არ გააჩნიათ. ანგარიშში ასევე, ვკითხულობთ, რომ 2016 წელს დაფინანსებული 96 ეკომიგრანტიდან 18%-მა შეისყიდა საცხოვრებელი ბინები, რომელთა ფართობი საერთაშორისო პრაქტიკის გათვალისწინებით არ არის თანაფარდობითი ოჯახის სულადობასთან მიმართებით. კიდევ რა სახის შენიშვნები აქვს სახელმწიფო აუდიტს? თემაზე მარიამ ხაბაზი დღის მთავარ გამშვებაში მოგიყვებათ.