06, თებერვალი 2018 17:01:00
ეკომიგრანტებისთვის საცხოვრებლის უზრუნველყოფის პროგრამაში ცვლილებები შედის. კერძოდ, სამინისტრო გეგმავს ბენეფიციარებისთვის შესყიდული ქონების განკარგა სამართლებრივად გააკონტროლოს. რაც იმას ნიშნავს, რომ ეკომიგრანტი საკუთრებაში გადაფორმებულ საცხოვრებელს გარკვეული პერიოდის განმავლობაში ვერ გაასხვისებს. ასევე, ხელშეკრულებით განისაზღვრება სტიქიურ ზონაში არსებული სახლის განკარგვაც. ფართობს ბენეფეციარი ვერ გამოიყენებს მუდმივ საცხოვრებლად, შეეზღუდება გასხვისების უფლებაც. აჭარის ჯანდაცვის სამინისტროში ამბობენ, რომ ცვლილებები ძალაში 2019 წლის პირველი იანვრიდან შევა.