08, თებერვალი 2018 14:10:00
სულიკო თებიძე "ერთიანი ნაციონალური მოძრაობის" წევრს კანონმდებლობის დარღვევაში ადანაშაულებს. ბათუმის საკრებულოს თავმჯდომარის მტკიცებით, საკრებულოს მოქმედი თანამდებობის პირი მირდატ ქამადაძე კერძო საადვოკატო საქმიანობას ეწევა. თებიძის თქმით, ფრაქციის თავმჯდომარემ დაარღვია თვითთმმართველობის კოდექსის, საჯარო დაწესებულებაში ინტერესთა შეუთავსებლობის, კორუფციის შესახებ და ადვოკატთა შესახებ საქართველოს კანონი. ბრალდებას უპასუხა მირდატ ქამადაძემ და განაცხადა, რომ იგი მართლაც იმყოფებოდა ქუთაისში სასამართლო პროცესზე. თუმცა მისივე მტკიცებით, აღნიშნულთან დაკავშირებით ინფორმირებული იყო საკრებულოს თავმჯდომარეც.