09, თებერვალი 2018 14:07:00
აჭარაში წითელას ვირუსის შემთხვევები კვლავ მატულობს. საზოგადოებრივი ჯანდაცვის ცენტრის ცნობით, ვირუსით უკვე 149 მოქალაქე დაავადდა. თებერვლის თვეში 48 შემთხვევა დარეგისტრირდა. შემთხვევათა 65 პროცენტი ბათუმში დაფიქსირდა. დაავადების გავრცელების თავიდან აცილების მიზნით, მოქალაქეებმა იმ სამედიცინო დაწესებულებებს უნდა მიმართონ, სადაც აღრიცხვაზე იმყოფებიან. ცენტრი მოსახლეობას დროული ვაქცინაციისკენ მოუწოდებს.