09, თებერვალი 2018 14:06:00
"ერთიანი ნაციონალური მოძრაობის" წევრმა პროკურატურას მიმართა. ოპოზიციონერი ანგისის დასახლებაში მდებარე სპორტულ ბაზაზე მიმდინარე სამუშაოებით დაინტერესებას და დამნაშავე პირების გამოვლენას ითხოვს. ნოდარ დუმბაძის განცხადებით, შენობა, რომელიც მერიამ 25 დეკემბერს ჩაიბარა, დასრულებული არ არის. ეს კი დუმბაძეს ეჭვს უჩენს, რომ ადგილი აქვს კორუფციულ გარიგებას. მისივე თქმით, ბაზაზე მოუწესრიგებელია სადრენაჟო სისტემა, გაწვიმების დროს წყალი დგება და ტრამვის მიღების შიშიც არსებობს. დუმბაძე ირწმუნება, რომ თანხები, რომელიც სამუშაოებს მოხმარდა, არამიზნობრივად დაიხარჯა. თვითმართველობაში საკითხთან დაკავშირებით კომენტარი არ გაკეთდა.