12, თებერვალი 2018 14:09:00
„ერთიანი ნაციონალური მოძრაობა“ ხელისუფლებას პოლიციის დემორალიზებაში ადანაშაულებს. მათი განცხადებით, უხეშად ირღვევა „კანონი პოლიციის შესახებ“, რომელიც სამართალდამცავს შვებულებას და სამუშაო დროის სწორად განსაზრვრას გულისხმობს. გია ხალვაში თქმით, პოლიციელი რომელიც გამოუძინებელი და გადაღლილია, ვერ შეძლებს მოქალაქეების სრულყოფილად დაცვას. ოპოზიციონერის მტკიცებით, პოლიციელები სწორედ ამ უპირატესობით ვერ სარგებლობენ. შინაგან საქმეთა სამინისტროში ბრალდებას მხოლოდ წერილობით უპასუხეს და განაცხადეს, რომ პოლიციელები კანონის შესაბამისად ისვენებენ და კუთვნილი შვებულებითაც სარგებლობენ.