შაჰინის სახელობის სკოლა-ლიცეუმში ავტორიზაციის საბჭოს დასკვნას ეხმიანებიან. დირექტორი აცხადებს, რომ სასწავლო პროცესი ჩვეულ რეჟიმში მიმდინარეობს და საბოლოო დოკუმენტაციის ჩაბარების შემდეგ სასამართლოში სარჩელის შეტანას გეგმავს. ელგუჯა დავითაძე ავტორიზაციის საბჭოს დასკვნაში არსებულ დარღვევებს არ აღიარებს. მისი მტკიცებით, სასწავლო წლის დასაწყისში, მოსწავლეები კანონის შესაბამისად ჩაირიცხნენ და თურქულენოვანი სექტორიც საქართველოს განათლების სამინისტროსთან ოფიციალური შეთანხმების საფუძველზე ფუნქციონირებდა. დავითაძე აცხადებს, რომ ის საბჭოსთან თანამშრომლობდა და ყოველ განხორციელებულ ქმედებაზე წერილობითი ნებართვა და რეკომენდაცია აქვს. ავტორიზაციის საბჭომ შაჰინის სახელობის სკოლა-ლიცეუმში დაფიქსირებული დარღვევათა ნუსხა გუშინ გამოაქვეყნა. განცხადებაში აღნიშნულია, რომ სასწავლებელში დარღვევები გასული წლის ნოემბრისა და მიმდინარე წლის იანვარში ჩატარებული მონიტორინგის შედეგად გამოვლინდა.
1
s
s
s