15, თებერვალი 2018 17:05:00
ბათუმის საკრებულოს გადაწყვეტილებით, 6 მაისის პარკს ცენტრალური პარკის სახელი ეწოდა, რასაც სხდომაზე ხმაური და სიტყვიერი დაპირისპირება მოჰყვა. ოპოზიციამ პარკისთვის სახელწოდების შეცვლა პოლიტიკურ მოტივს დაუკავშირა. სხდომაზე ასევე, ხმაური მოჰყვა ჯავახიშვილის ქუჩაზე არსებული მიწის ნაკვეთისთვის სკვერის სტატუსის მინიჭების საკითხსაც. ირაკლი პატარიძე გადაწყვეტილების მიღების საფუძვლად ტერიტორიაზე მშენებლობების შეჩერებას ასახელებს. დღესვე დეპუტატების გადაწყვეტილებით, ბათუმის მუნიციპალური ბიუჯეტი 6 მლნ ლარით გაიზარდა. საკრებულოს წევრებმა დღის წესრიგით გათვალისწინებული 21 საკითხიდან 20-ს კენჭი უყარეს. რაც შეეხება ბოლო საკითხს დეპუტატები მომდევნო სხდომაზე განიხილავენ.