19, თებერვალი 2018 20:01:00
ანა ჯიქურიძე, თამუნა თაქთაქიშვილი, ელენე მჭედლიშვილი, სულ 17 მოსარჩელე და საქართველოს მოქალაქე თორნიკე გუჯაბიძე საქართველოს პარლამენტის წინააღმდეგ - საკონსტიტუციო სასამართლოში დღეს განმწესრიგებელი სხდომა გაიმართა. კონსტიტუციურ სარჩელებში სადავოდ გამხდარი ნორმები არეგულირებენ დანაშაულებრივი გზით მოპოვებულ ქონებაზე სასამართლოს მიერ ყადაღის დადების წესს. მოსარჩელე მხარის განმარტებით, ხსენებული ნორმების საფუძველზე შესაძლებელია დაყადაღდეს იმ პირთა ქონება, რომლებსაც კავშირი არ აქვთ დანაშულთან, ქონების შეძენისას არ იყვნენ ინფორმირებული მისი დანაშაულებრივი გზით მოპოვების შესახებ. მოსარჩელე ასევე, აღნიშნავს, რომ ყადაღის დადება და მასთან დაკავშირებული შეზღუდვები, შემძენის ქონებაზე გავრცელება საკუთრების უფლების დარღვევას იწვევს. საქმეს საქართველოს საკონსტიტუციო სასამართლოს მეორე კოლეგია განიხილავს.