ბათუმის საკრებულოს განათლების, კულტურის, ტურიზმისა და სპორტის კომისიამ დღეს შესულ პეტიციებზე იმსჯელა. მათგან ერთი „დემოკრატიის ინსტიტუტის“ მიერ მომზადებული და წარდგენილი ინიციატივა იყო. კორესპოდენციით ბათუმელები აეროპორტის პარალელური ქუჩისთვის ევროპის ქუჩის სახელის მინიჭებას ითხოვდნენ. საკრებულოს წევრი დიმიტრი დარჩია კი აღნიშნული ტერიტორიისთვის ეროვნული გმირის, გიორგი ანწუხელიძის სახელის მინიჭებას ითხოვს. საკითხზე მუშაობა ისევ გრძელდება. კომისიის გადაწყვეტილებით, პეტიციის დაკმაყოფილებაზე უარი ეთქვა „მამულიშვილთა საგვარეული კავშირს“. წევრები ოსმალთა სამასწლიანი ბატონობისაგან აჭარის დედასამშობლოსთან დაბრუნებისთვის დაღუპული გმირების მემორიალის ქალაქის ტერიტორიაზე განთავსებას ითხოვდნენ. იმ არგუმენტით, რომ საზოგადო მოღვაწის, ვლადიმერ მოქერიას გარდაცვალებიდან 15 წელი არ გასულა, კომისიამ ვერც 26 მაისის 17-ში მდებარე სახლზე მემორიალური დაფის განთავსების მოთხოვნა დააკმაყოფილა. შესაბამისი წესის არარსებობის გამო ხიმშიაშვილის ქუჩაზე არც ტრაგიკულად დაღუპული ჟურნალისტ-ოპერატორის თამაზ ქობულაძის მემორიალური დაფა განთავსდება.
6
s
s
s