20, აგვისტო 2018 20:50:00
თურქეთში მომხდარი ავარიის შედეგად დაშავებული ერთ-ერთი პაციენტი ბათუმში დაბრუნდა. სასწრაფო სამედიცინო დახმარების მანქანით იგი თურქეთიდან რამდენიმე საათის წინ გადმოიყვანეს. პაციენტს ადგილზე გამოკვლევა ჩაუტარდა და საავადმყოფოდან უკვე გაწერილია. რაც შეეხება სხვა დაშავებულებს - მათგან ერთი თურქეთის საავადმყოფოდან უკვე გაწერილია. მეორე პაციენტის ჯანმრთელობის მდგომარეობა ამ დრომდე მძიმეა, იგი მართვით სუნთქვაზე იმყოფება. შემთხვევა 15 აგვისტოს, თურქეთში მოხდა. მიკროავტობუსი ცენტრალურ მაგისტრალზე ამობრუნდა. დაშავებულები თურქეთში სეზონურ სამუშაოებზე იყვნენ დასაქმებულები და სამედიცინო დაზღვევა არ ჰქონდათ.