20, აგვისტო 2018 20:47:00
უნებართვო საქმიანობის ფაქტი ბათუმში. კომპანიას, რომელიც ახალი ბულვარის ტერიტორიაზე უნებართვო საქმიანობას ახორციელებდა, ბათუმის მერიის გადაწყვეტილებით საწარმოო პროცესი შეუჩერდა. „მეტრო სითის“ ტერიტორიაზე ბენზინგასამართი სადგური რამდენიმე თვის წინ აშენდა, თუმცა ზედამხედველობის სამსახურში გვითხრეს, რომ შესაბამისი ნებართვა მათ არ გაუციათ. უწყებაში ასევე, აღნიშნეს, რომ კანონდარღვევისთვის კომპანია რამდენჯერმე დააჯარიმეს. მიუხედავად გატარებული ზომებისა მათ მუშაობა არ შეუჩერებიათ, რის გამოც ობიექტის დემონტაჟი განხორციელდა.