22, აგვისტო 2018 20:39:00
თურქეთში მომხდარი ავტოსაგზაო შემთხვევის შედეგად დაშავებული მოქალაქე საქართველოში გუშინ ღამით რეანომობილით გადმოიყვანეს. პაციენტი მკურნალობას ბათუმის რესპუბლიკურ საავადმყოფოში გააგრძელებს. დაშავებულს თურქეთში, უკვე ჩაუტარდა სახის ძვლის მოტეხილობებზე ქირურგიული ოპერაცია. ამ ეტაპზე მას მხოლოდ სტაციონარული მკურნალობა ესაჭიროება. დაზარალებული ჯანდაცვის მინისტრმა მოინახულა. ზაალ მიქელაძის განცხადებით, მკურნალობისთვის საჭირო თანხებს სამინისტრო დაფარავს. შეგახსენებთ, ავტოსაგზაო შემთხვევა ტრაპიზონში 14 აგვისტოს მოხდა. შედეგად საქართველოს 3 მოქალაქე დაშავდა. ამ დრომდე თურქეთის კლინიკაში რჩება დაშავებული კაცი.