27, თებერვალი 2017 20:32:00
ბათუმის საკრებულოს აპარატის ყოფილ ხელმძღვანელს გასაუბრება ხელახლა ჩაუტარდება. თვითმმართველობას ლიანა დიასამიძემ სამივე ინსტანციის სასამართლო მოუგო. ყოფილმა თანამშრომელმა სასამართლოს მას შემდეგ მიმართა, რაც ტესტირებაში მაღალი ქულა მიიღო, თუმცა გასაუბრებაზე ბარიერი ვერ გადალახა. სასამართლომ მიიჩნია, რომ „დაირღვა კანონის იმპერატიული მოთხოვნა და არ იყო ნაწარმოები სხდომის ოქმი და არ იყო გამოკვლეული შესაბამისი მტკიცებულებები ლიანა დიასამიძის კვალიფიკაციასთან მიმართებით. ლიანა დიასამიძე 2004 წლიდან ბათუმის მერიის ადმინისტრაციის უფროსის მოადგილედ მუშაობდა, 2006 წლიდან – საკრებულოს აპარატის უფროსად. 2014 წლის სექტემბრიდან კი, საკრებულოს საქმისწარმოების განყოფილების უფროსად. ლიანა დიასამიძის გათავისუფლების შემდეგ საკრებულოს აპარატის უფროსად პაატა მგელაძე დაინიშნა, რომელიც ამჟამად საკრებულოს წევრია.