02, ოქტომბერი 2018 14:04:00
ჯავახიშვილის ქუჩაზე სანიაღვრე კოლექტორის მშენებლობა მიმდინარეობს. კოლექტორის გავლით სანიაღვრე წყლები არდაგანის ტბის მიმდებარედ მშენებარე სატუმბ სადგურში მოიყრის თავს. სადგური უხვი ნალექის დროს ნინოშვილისა და ჯავახიშვილის სანიაღვრე კოლექტორებიდან წყლების გადატუმბვას უზრუნველყოფს, რაც ქალაქის დატბორვის პრობლემას აღმოფხვრის. ჯავახიშვილის ქუჩის კოლექტორის მშენებლობა ბათუმის კომუნალური ინფრასტრუქტურის რეაბილიტაციის პროექტის III ფაზის ფარგლებში მიმდინარეობს და 2019 წლის IV კვარტალში დასრულდება. სამუშაოების ღირებულება - 3,6 მლნ ევროს შეადგენს.