უნიკალური აღმოჩენები ფიჭვნარის ნაქალაქარში. არქეოლოგებმა ტერიტოტორიაზე ძველი წელთა აღრიცხვით მე-7 მე -3 საუკუნეების მასალა აღმოაჩინეს. რა ნივთები მოხვდა სპეციალისტების ხელში და რას ცვლის აღმოჩენები ისტორიაში?
მეგრულ მითოლოგიაში, დღემდე შემორჩენილი თქმულება მესეფეების შესახებ, ფიჭვნარში ჩატარებული არქეოლოგიური გათხრების შედეგად, გაცოცხლდა. მკვლევარებმა აქ ტერაკოტული გამოსახულების ძაღლის თავი აღმოაჩინეს.
ფიჭვნარის ნაქალაქარის ტერიტორიაზე არექოლოგიური გათხრების შედეგად, აღმოჩენილ იქნა ბათქაშის ფრაგმენტები, იატაკისა და კედლის ნაშთები, რაც მკვლევარებს იმის თქმის საშუალებას აძლევს, რომ ძვ. წ აღ-ით VII - III საუკუნეებში აქ საცხოვრებელი სახლი და სამეურნეო დანიშნულების ობიექტი იყო განთავსებული. არტეფაქტები გვიან კლასიკურ ხანას მიეკუთვნება. აღმოჩენილი ნივთები შესრულებულია როგორც კოლხური, ისე ბერძნული სტილით.
ის, რომ ფიჭვნარის ტერიტორია ცივილიზაციის ერთ - ერთი კერა იყო ამაზე აქ ჩატარებული არეოლოგიური გათხრების შედეგები მოწმობს. მეცნიერებმა კვლევა - ძიების შედეგად სასმისები, რიყის ქვები, სათვალავი მძივი, ღვინისა და ზეთისხილის ტრანსპორტირებისთვის საჭირო ჭურჭელი ამფორი და სხვა ნივთები აღმოჩინეს. მასალები ძველი წელთ აღრიცხვით VII - III საუკუნეებით თარიღდება.
არქეოლოგები ფიჭვნარის ნაქალაქარში, ნამჭედურის გორა ნამოსახლარს სწავლობენ. აღნიშნულ არექოლოგიურ ველზე კვლევა - ძიებისთვის, აჭარის კულტურული მემკვიდრეობის დაცვვის სააგენტოს 25 ათასი ლარი აქვს გამოყოფილი. უწყება მონაპოვარის მეცნიერულად დამუშავებასაც ახდენს.
ფიჭვნარის ნაქალაქრზე არქეოლოგიური გათხრები 2015 წელს დაიწყო და ამ დრომე გრძელდება. მეცნიერებმა ორივე უბანზე ელინისტური და კლასიკური ხანის კულტურული ფენები უკვე შეისწავლეს. კვლევა საშუალებას იძლევა, შესწავლილი იქნეს საზოგადოების განვითარების ცალკეული ეტაპები გვიანბრინჯაოდან ელინისტური ხანის ჩათვლით.
17
s
s
s