ბაღები ფსიქოლოგების და სპეც მასწავლებლების გარეშე. პრობლემის წინაშე ქობულეთის მუნიციპალიტეტში მდებარე სააღმზრდელო დაწესებულებები დგას. გადაუჭრელი საკითხი აწუხებთ ბავშვების მშობლებს, თუმცა კამერების წინ საუბარს ერიდებიან. პასუხისმგებელ უწყებაში იციან, რომ კადრების საჭიროება არსებობს, თუმცა შტატების დამატებაზე ვერაფერს ამბობენ.
არის თუ არა ეს მუნიციპალიტეტის ხელძმღვანელობის მხრიდან ბავშვებზე ზრუნვის არასასათანადო პოლიტიკა?
ქობულეთის პირველი საბავშვო ბაღი ერთ-ერთია მუნიციპალიტეტში, სადაც ფსიქოლოგი არ ჰყავთ. მიუხედავად იმისა, რომ სკოლამდელი აღზრდის ამ დაწესებულებაში სპეციალური საჭიროების მქონე ბავშვებიც სწავლობდნენ, შესაბამისი სპეციალისტის შტატი, ამ დრომდე არ არსებობს. ბაღის გამგე ამბობს, რომ ქცევის პედაგოგის მისია აქ რიგით მასწავლებლებს აქვთ შეთავსებული.
ქობულეთში, მდებარე 29 სკოლამდელი აღზრდის დაწესებულებიდან, ბავშებთან ფსიქოლოგს არც ერთ მათგანში არ უმუშავია. ქცევის თერაპევტი არ ჰყოლიათ სპეციალური საჭიროების მქონე აღსაზრდელებსაც. მესამე სექტროში არასაკმარის კადრებზე საუბრობენ. ორგანიზაცია ,,იალქანში“ ფიქრობენ, რომ ამ კუთხით სამუშაო ჯერ ისევ ბევრია.
კადრების სიმცირესთან ერთად, პედაგოგების კვალიფიკაციაზე ამახვილებენ ყურადღებას დარგის სპეციალისტები. ანა ჯანელიძე მიიჩნევს, რომ ფსიქოლოგობა და სპეც პედაგოგობა სამწუხაროდ საქართველოში დამკვიდრდა როგორ პოზიცია. იმისთვის, რომ რისკი თავიდან იქნას აცილებული, ორ მნიშვნელოვან ფაქტორზე ამახვილებს ყურადღებას:
იმ ფონზე, როცა ქობულეთის საბავშვო ბაღების გაერთიანების მიმდინარე წლის ბიუჯეტი დაახლოებით ოთხი მილიონი ლარია, რატომ არიან აღსაზრდელები ფსიქოლოგისა და სპეც პედაგოგის გარეშე? - დაწესებულებაში მიზეზად ადამიანური და ფინანსური რესურსების სიმცირეს ასახელებენ. ია ხალვაში იმასაც ამბობს, რომ ბოლო წლებში გაზრდილია იმ ბავშვების მიმართვიანობა, რომელთაც სპეც პედაგოგი სჭირდებათ.
ქობულეთში, 29 საბავშვო ბაღში, ჯამში 3 500 -მდე აღსაზრდელი ირიცხება. გაერთიანების დირექტორის თქმით, კი ყველა მათგანში სწავლობს ისეთი პატარა, რომესაც სპეც პედაგოგი სჭირდება. გაითვალისწინებს თუ არა ადგილობრივი ხელისუფლება 2020 წლის ბიუჯეტში ბაღებისთვის ფსიქოლოგისა და სპეც პედაგოგების გადამზადებისთვის საჭირო თანხებს, ეს წლის ბოლოს გახდება ცნობილი. მანამდე კი ამ ფუნქციას ისევ რიგითი მასწავლებლები შეითავსებენ.
7
s
s
s