17, იანვარი 2019 20:03:00
ახლა კი გავეცნოთ ენერგეტიკის ექსპერტის მოსაზრებებს. რა ხარვეზებს ხედავს დარგის სპეციალისტი და როგორ უნდა ავიცილოთ თავიდან რისკები?
,,ბომბა შეყოვნებული მოქმედებით,“ - ასე აფასებს ენერგეტიკის ექსპერტი, სადარბაზოებში დამონტაჟებულ გაზის მილებს. ნოდარ ჩხეიძე მიიჩნევს, რომ აღნიშნული მილების გაყვანა სხვენში, კიბის უჯრედებში და ელექტროგადამცელ კაბელებთან დაუშვებელია.
იმის გამო, რომ ბუნებრივ აირს უმნიშვნელო სუნი აქვს, დარგის სპეციალისტი მასში ოდორანტის დამატების საჭიროებაზე საუბრობს. ნოდარ ჩხეიძე იმ არგუმენტებზე საუბრობს, რის გამოც გაზის მიმწოდებელი ლიცენზიანტები მის გამოყენებაზე უარს ამბობენ.
ენერგოუსაფრთხოების სპეციალისტი, გაზგამანაწილებელი კომპანიების მიერ გამოყენებული მასალების ხარისხსაც იწუნებს. მისი თქმით, მილი, სადაც გაზი გადის, ფოლადის მასალისგან უნდა იყოს შედგებოდეს.
სპეციალისტი მშნეებლობის პროცესში სათანადო ნორმების დაცვის აუცილებლობაზეც საუბრობს.
სავალალო შედეგების თავიდან ასაცილებლად, ნოდარ ჩხეიძე მიიჩნევს, რომ საჭიროა ახალი აბონენტებისთვის ინსტრუქტაჟის ჩატარება.