25, დეკემბერი 2019 17:38:00
ინფრასტრუქტურა, განათლება, კულტურა და სოციალური უზრუნველყობა - ეს ის მიმართულებებია, რომელიც ბათუმის მერიის 2020 წლის პრიორიტეტი იქნება. თვითმართველი ქალაქის ბიუჯეტი საკრებულომ დღეს დაამტკიცა, კენჭისყრაში მონაწილეობა კი „ნაციონალურ მოძრაობას“ არ მიუღია.
ბათუმის მუნიციპალიტეტის 2020 წლის ბიუჯეტი დამტკიცებულია. კენჭისყრაში მონაწილეობა „ნაციონალურ მოძრაობას“ არ მიუღია. ოპოზიციის წევრებმა, მომავალი წლის მთავარი დოკუმენტი დაიწუნეს და აღნიშნეს, რომ მასში ქალაქისთვის მნიშვნელოვანი პრიორიტეტები გაწერილი არაა.
პრეტენზიები ჰქონდათ მესამე სექტორის წარმომადგენლებსაც. თეონა დისამიძემ მუნიციპალიტეტში არსებულ ერთ-ერთ მთავარ გამოწვევად, ბაღების პრობლემა დაასახელა. საკრებულოს მრჩეველთა საბჭოს წარმომადგენელმა, სააღმზრდელო პროცესს მიღმა დარჩენილი მოზარდების საკითხის მოგვარების გეგმასთან დაკავშირებით ჰკითხა.
ბათუმის მერია, მომავალი წლისთვის, ახალ „აიპს“ ქმნის. მუნიციპალური ინსპექციის ბიუჯეტი 3 მილიონ 444 ათასი ლარი იქნება. ოპოზიციის კრიტიკას, დაახლოებით, 182 შტატის მომატებასთან დაკავშირებით, ქალაქის პირველი პირი ასე პასუხობს:
რაში დახარჯავს თვითმართველი ქალაქი, დაახლოებით, 172 მილიონ 400 ათასი ლარს? და რა პრიორიტეტები განისაზღვრა ფინანსურ დოკუმენტში? საფინანს-საბიუჯეტო სამსახურის უფროსის თქმით, ბათუმის მერიისთვის, მთავარი ინფრასტრუქტურა, განათლება, კულტურა და სოციალური მიმართულებებია.
ბათუმის მუნიციპალიტეტის ბიუჯეტი მომავალი წლისთვის, დაახლოებით 16 მილიონი ლარით, შემოსულობების ხარჯზე გაიზარდა.