საპროტესტო აქცია ბათუმში. მიხეილ სააკაშვილის მრავალპროფილურ კლინიკაში გადაყვანის მოთხოვნით, ამჯერად, სამედიცინო სფეროს წარმომადგენლები შეიკრიბნენ. ექიმები ხელისუფლებას მოუწოდებენ, რომ ექსპრეზიდენტის სიცოცხლის შესანარჩუნებლად ყველაფერი გააკეთონ, რადგან ადამიანის ჯანმრთელობა ყველაზე ღირებულია.
მიხეილ სააკაშვილის გათავისუფლების მოთხოვნას, სამედიცინო სფეროს წარმომადგენლებიც შეუერთდნენ. ექიმებმა პროტესტი, ბათუმში, ევროპის მოედანზე გამოხატეს. ისინი, ხელისუფლებას მიმართავენ, რომ ადამინის სიცოცხლე, პრინციპებზე მაღლდა დააყენოს.
მედიკოსები ამბობენ, რომ პატიმარი ექს-პრეზიდენტის სიცოცხლე საფრთხის ქვეშაა და შესაძლოა, მისი ეს პროტესტის ფორმა, ფატალურად დასრულდეს. ისინი, მიხეილ სააკაშვილის, მულტიპროფილურ კლინიკაში გადაყვანას ითხოვენ.
„გადავარჩინოთ ექს პრეზიდენტის სიცოცხლე“- ასეთი მოწოდება აქვთ სამედიცინო სფეროს წარმომადგენლებს. ისინი ამ მოთხოვნით პეტიციის შექმნას და ხელმოწერების შეგროვების დაწყებას გეგმავენ.
მესამე პრეზიდენტი ეკვე 34-ე დღეა შიმშილობს. ბოლო დროს გავრცელებული ინფორმაციით, მან 20 კილოგრამი დაიკლო. სააკაშვილის ექმების ცნობით, მისი წონა, დილით და საღამოს ცვალებადია, რაც თირკმლების ცუდად მუშაობაზე მიუთითებს. „ქართული ოცნების“ მთავრობა კი, პატიმარი ექსპრეზიდენტის სამოქალაქო მულტიპროფილურ კლინიკაში გადაყვანაზე, კატეგორიულ უარს აცხადებს.
5
s
s
s