პანდემია, როგორც მიზეზი. საქმე ისაა, რომ „ქართული ოცნებისთვის“ ეპიდემიის პერიოდი ერთგვარ გამოსავლად იქცა. ხელისფულება, დაკისრებულებული მოვალეობების ვერ შესრულებას, ბოლო ერთი წელია ამ მიზეზით ხსნის. რეალურად, როგორ შეიძლება შევაფასოთ ეს ვითარება? პანდემია ხელსიფულებისთვის გამოსავალია თუ სირთულე? ნინია მესხიძემ გადაავლო თვალი სატელევიზიო არქივს.
ერთ-ერთი ბოლო ინტერვიუ, რომელიც TV25-მა ჩაწერა, გუშინდელი დღით თარიღდება. ამ მიზეზით, ხელვაჩაურის მერმა, ხელისუფლების ვერ შესრულებული დაპირება ახსნა. თქვა, რომ მეჯინის წყლის მიმდებარედ დაანონსებული ქარხნის მშენებლობას, ხელი, პანდემიამ შეუშალა. არა და, დაპირების თანახმად, საწარმოს მშენებლობა 2019 წელს უნდა დაწყებულიყო. ანუ, კორონავირუსის შემთხვევების დაფიქსირდებამდე 1 წლით ადრე.
ამავე მიზეზით, ბათუმის დანიშნული მერის მოვალეობის შემსრულებელი „მერების ხელშეკრულების“ შეუსრულებელ პირობებს ხსნის. კერძოდ, უწყებამ ვერ უზრუნველყო თბური აირების 20%-ით შემცირება. როგორც არჩილ ჩიქოვანი გვარწმუნებს, ერთადერთი დაბრკოლება პანდემია აღმოჩნდა. არა და, დოკუმენტი, მმართველმა გუნდმა 2011 წელს გააფორმა. ანუ, გამოდის, ხელისუფლებას ნაკისრი ვალდებულების დასაკმაყოფილებლად, ზუსტად 9 წელი ჰქონდა.
რამდენიმე კვირის წინ, პანდემიის მიზეზით, ბათუმის მერიაში კიდევ ერთი საკითხი ახსნეს - 2016 წელს მიღებული მუნიციპალური ნარჩენების მართვის შეუსრულებელი გეგმა. შპს „სანდასუფთავების“ ხელმძღვანელმა გვითხრა, რომ 55 ფურცლიანი გეგმის განხორციელებაში ხელი ეპიდემიამ შეუშალათ. არა და, კორონავირუსით ინფიცირების შემთხვევები საქართველოში 2020 წელს დაიწყო. ანუ, ამ შემთხვევაშიც, ნაკისრი ვალდებულების შესასრულებლად, მმართველ გუნდს რამდენი წელი ჰქონდა.
პანდემიურ წელს დაუკავშირა, აჭარის უმაღლესი საბჭოს დეპუტატმა მმართველი გინდიდან, წლების განმავლობაში არსებული, ქალაქის ტურიტული ატრაქციების მოუწესრიგებელი იერსახე. მაშინ, დავით ბაციკაძემ გვითხრა, რომ ქვეყანაში შექმილი ეკონომიკური მდგომარეობის ფონზე, საჭირო თანხების გამოყოფა გართულდა.
რამდენად გამამართლებელი მიზეზია პანდემია ზემოთ აღნიშნულ და კიდევ ბევრ მსგავს შემთხვევებზე? ოპოზიციაში მიაჩნიათ, რომ ხელისუფლებისთვის ეს, მხოლოდ, მარტივი გამოსავალია.
პანდემია რომ „ქართული ოცნებისთვის“ ერთგვარ ფარად იქცა, საუბრობს თვითმმართველობის მკვლევარიც. მაგდა პოპიაშვილის თქმით, ყველაფრის ეპიდემიაზე დაბრალება, მმართველი გუნდის უპასუხისმგებლობას აჩვენებს.
რამდენად გასასამართლებელია „ქართული ოცნების“ პანდემიური პოლიტიკა, ამაზე ჩვენი რეპორტაჟი კარგად მეტყველებს. მეტიც, იმის თქმაც შეგვიძლია, რომ მმართველ გუნდს, რიგ შემთხვევებში საერთოდ ავიწყდება, როდის დაიწყო პანდემია და იყო თუ არა ეს რეალური დაბრკოლება, ამა თუ იმ საქმიანობის განსახორციელებლად. რომ არა ეპიდემია, საინტერესოა რა არგუმენტებს მოიშველიებდნენ თავის გასასამართლებლად.