"არა რუსულ კანონს", "კი ევროპას" - საპროტესტო მსვლელობა ბათუმში

"არა რუსულ კანონს”, “კი ევროპას”, “ჩვენი გზა მხოლოდ და მხოლოდ ევროპაშია”, - ამ შეძახილებით ე.წ. რუსული კანონი დღეს კიდევ ერთხელ გააპროტესტეს ბათუმში. მოქალაქეები, სამოქალაქო აქტივისტები და პოლიტიკური პარტიის ლიდერები ბათუმის სახელმწიფო უნივერსიტეტთან შეიკრიბნენ და მსვლელობით ევროპის მოედანზე გადაინაცვლეს.

ისინი ხელისუფლებას მოუწოდებენ, უკან გაიწვიოს კანონპროექტი და აღარ გაიტანოს სესიებზე განსახილველად. შეკრებილთა შეფასებით, "აგენტების" შესახებ კანონის ერთადერთი მიზანი საქართველოს ევროპული გზის ჩახერგვაა, რასაც არ დაუშვებენ და საერთო ევროპული მომავლისთვის ბოლომდე იბრძოლებენ.