არ დავუშვებთ, რომ საეჭვო ორგანიზაციებმა და გაურკვეველი ორიენტაციის სუბიექტებმა ხელში ჩაიგდონ ქართველი ხალხის ბედი | რიჟვაძე

„ჩვენ არ დავუშვებთ, რომ საეჭვო, ხშირ შემთხვევაში შავი ფულით დაფინანსებულმა ორგანიზაციებმა და გაურკვეველი ორიენტაციის სუბიექტებმა ხელში ჩაიგდონ ქართველი ხალხის ბედი“ - აჭარის მთავრობის თავმჯდომარემ დღევანდელი სხდომა მოწოდებებით გახსნა. თორნიკე რიჟვაძემ მოქალაქეებს მიმართა, რომ 29 აპრილს დედაქალაქში საერთო სახალხო აქციაზე გაერთიანდნენ.

რეგიონის პირველმა პირმა ხაზი გაუსვა იმასაც, რომ ყველა მოქალაქის ვალია დაიცვას ის ფასეულობები, რომელიც უახლოეს ისტორიაში ივანიშვილის მეთაურობით „ქართულმა ოცნებამ“ გადაარჩინა და რომელსაც წინაპრები შეეწირნენ.