ცხოვრება 3 შვილთან ერთად უკიდურესად მძიმე სოციალურ პირობებში. ნანა ჯაბნიძის მსგავსი ისტორია ჩვენც არაერთხელ გაგვიშუქებია და ქვეყანაში ალბათ ბევრ მარტოხელა დედას აქვს. იმისთვის რომ შვილები გამოკვებოს, თავად ხშირად მშიერი იძინებს. ერთადერთი შემოსავალი 280 ლარიანი სახელმწიფო დახმარებაა, რომელიც ქირის გადასახდელადაც კი არ ჰყოფნის.
ნანა ჯაბნიძე უკვე სამი წელია შვილებზე ზრუნვის ფიქრით იძინებს. არ იცის მეორე დღეს ორი მცირეწლოვანი შვილისთვის, საკვების მომზადებას შეძლებს თუ არა. ამბობს, რომ ხშირად თავად რჩება მშიერი რათა ბავშვები გამოკვებოს. მარტოხელა დედა გვიყვება, რომ მათთვის ხშირად ტანსაცმლის ყიდვასაც ვერ ახერხებს და მეზობლებისგან ნაჩუქარ სამოსს აცმევს.
მარტოხელა დედა ნაქირავებ ბინაში ცხოვრობს, სადაც 300 ლარს იხდის. სოციალურად დაუცველის ყოველთვიური შემოსავალი კი 280 ლარია. გვიყვება, რომ წლების მანძილზე ბევრი სახლი შეიცვალა, ხშირად ცხოვრობდა სიცოცხლისთვის შეუსაბამო გარემოშიც. ყოფილა შემთხევვები, როცა ქირის თანხას ვერ იხდიდა და ამის გამო, ღამე ქუჩაში ორ შვილთან ერთად გაუთენებია. დაბალ ფასიანი ქირიდან უფრო ძვირიან სახლში იმიტომ გადავიდა, რომ სოცმუშაკებს შვილები მინდობით აღზრდაში არ მიეცათ.
ოჯახის ყოფაცხოვრების გასაუმჯობესებლად ბათუმის სოციალურ სააგენტოში დამაიმედებლი არაფერი გვითხრეს. ნოდარ ფუტკარძის განმარტებით, სამწევრიანი ოჯახი სოციალური შემწეობის მაქსიმუმს იღებს.
მიუხედავად იმისა, რომ ოჯახმა ხელისუფლებისგან დაპირებები უხვად მიიღო, წლები გადის და რეალობა უცვლელია. თუ გსურთ, რომ ორი შვილის დედას დაეხმაროთ, მისი ნახვა, ბათუმში, სელიმ ხიმშიაშვილის 96 ნომერში შეგიძლიათ.
10
s
s
s