როგორ დახარჯა 2020 წელს აჭარის მთავობამ ბიუჯეტი, რა შემოსავლები მიიღო და რა თანხა დარჩა უკან ნაშთის სახით, რამდენად რაციონალური და ეფექტიუანი იყო მისი შესრულება, სახელმწიფო აუდიტის სამსახურმა ანგარიში უკვე გამოაქვეყნა. დოკუმენტში აღნიშნულია, რომ გეგმიური მაჩვენებლების ჩამორჩენას ადგილობრივი ხელისუფლება პანდემიით ხსნის, თუმცა სხვა შეფასება აქვს აუდიტს. ასკვნის, რომ რიგ შემთხვევებში აჭარის მთავრობას ეფექტიანი მენეჯმენტის განხორციელება უჭირს. სალომე უსტალიშვილი შემოგვიერთდება დეტალებით.
დიახ თამარ, სახელმწიფო აუდიტის სამსახურმა, რამდენიმე დღის წინ, მოხსენება გამოაქვეყნა - აჭარის 2020 წლის რესპუბლიკური ბიუჯეტის შესრულების შესახებ მთავრობის ანგარიშზე. აუდიტი წერს, რომ აჭარის ფინანსთა და ეკონომიკის სამინისტრო, არაფინანსური აქტივების ზრდის მუხლით, 3 მილიონ 917 ათას 600 ლარით გეგმიურ მაჩვენებელს ჩამორჩა. უწყებაში კი, ამ ფაქტს ისევ და ისევ პანდემიას და ბიუჯეტის რამდენჯერმე დაკორექტირებას უკავშირებენ.
სახელმწიფო აუდიტის სამსახური, ასევე აღნიშნავს, რომ კვლავ აქტუალურ პრობლემად რჩება ბიუჯეტის დაგეგმვაში არსებული ხარვეზების აღმოფხვრის და რეზერვების ეფექტიანად გამოყენების საკითხი. მთავარ ფინანსურ მაკონტროლებელ ორგანოში ამბობენ, რომ გამოკვლეული უნდა იქნას ბიუჯეტის შეუსრულებლობის გამომწვევი მიზეზები და სათანადო ღონისძიებიბი გატარდეს.
გადასახდელების გეგმიური პარამეტრების შემცირების მიუხედავად, აუდიტი ამბობს, რომ ხარჯების საკასო შესრულება, გეგმიურ მაჩვენებელს მაინც ჩამორჩა. ასევე აღნიშნავენ, რომ ბიუჯეტში, გამოთავისუფლებული თანხა, სხვა საჭიროებებზე არ მიმართულა. აუდიტი წერს, რომ აღნიშნული ფული ახალი ღონისძიებების და პროგრამებისთვის უნდა გადანაწილდეს.
აუდიტი ასევე წერს, რომ პანდემიის მიუხედავად, ზოგიერთი პროგრამის შეუსრულებლობის მიზეზი, არასათანადო დაგეგმვა და მართვაში არსებული ხარვეზებია. აღნიშნავენ, რომ საბიუჯეტო ორგნიზაციები ნაწილობრივ ან საერთოდ არ ითვალისწინებენ მათ, მიერ გაცემულ რეკომენდაციებს. ამბობენ იმასაც, რომ ბიუჯეტში პანდემიის რისკები სათანადოდ არაა ასახული.
„ერთიან ნაციონალურ მოძრაობაში“ ამ ფაქტებს, არასწორად დაგეგმილ ბიუჯეტს და თანხების არამიზნობრივად ხარჯვას უკავშირებენ. ოპოზიციაში ამბობენ, რომ მმართველი გუნდი ყველა დაშვებულ შეცდომას და შეუსრულებელ სამუშაოებს, პანდემიას უკავშირებს.
სახელმწიფო აუდიტი წერს, რომ წლის ბოლოს დაზუსტებულ საბიუჯეტო გეგმასა და შესრულების მაჩვენებლებს შორის სხვაობებია. თუმცა ამის ეფექტიანად კვლევა,საბიუჯეტო ორგანიზაციების მხრიდან არ ხორციელდება, რაც საბოლოოდ პროგრამების არაჯეროვან შესრულებას განაპირობებს.
2
s
s
s