77 წლის ქალი, რომელიც 30 წლის განმავლობაში ბუშტებს ყიდის. ჯულიეტა ჩხაიძე ამ საქმიანობით თავს ირჩენს. ქალს მწირი შემოსავლების გამო დახლის აღების შესაძლებლობა არ აქვს. თუკი გსურთ, მას ოცნების ახდენაში დაეხმაროთ, შეგიძლიათ ახალი ურიკის შეძენაში დაეხმაროთ.
ადამიანების დიდ ნაწილს განსაქკუთრებული ოცნებები აქვს. ჯულიეტა ბებო კი ახალ ურიკას ნატრობს. ცხოვრების განვლილი 77 წლიდან, 30 ბუშტების გაყიდვაში გაატარა. ეს საქმე მოხუცისთვის ხელმისაწვდომი და თან, ერთგვარი, შემოსავლის წყაროა.
ყველაფერი იქედან დაიწყო, რომ სამსახური დაკარგა, ალტერნატივაც ვერ იშოვა, ამიტომ გადაწყვიტა შვილებსა და შვილიშვილებს დახმარებოდა და ვაჭრობა დაეწყო. 30 წლის წინ, ბათუმში. ქირით დასახლდა და დღემდე მისი ყოველი დილა ასე იწყება. ურიკაზე ალაგებს ბუშტებს, საბავშვო სათამაშოებს, მზესუმზირას თხილს და ხალხმრავალი ადგილისკენ მიემართება.
ყოველ დილით, მძიმე ტვირთის ტარება კილომეტრების გავლით, ფეხით უწევს. ცდილობს თუ კი ცუდი ამინდი არ იქნება , სამსახურს არ მოცდეს, რადგან ყველაზე შემოსავლიანი პერიოდი, სწორედ, ზაფხულია. ჯანმრთელობის მდგომარეობა ხელს არ უწყობს, თუმცა, სიდუხჭირის გამო სამსახურს თავს ვერ ანებებს.
მოხუცი გვიყვება, რომ პანდემიის დროს გასაყიდი ნივთების ფასი გაუძვირდა. სწორედ, ამიტომ, ახლა, სათამაშოებზე უფრო ნაკლები მოგება რჩება ვიდრე აქამდე. ჯულიეტა ბებოს ნახვა, ბათუმის ბულვარის შესასვლელთან შეგიძლიათ.
1
s
s
s