ალბათ ბევრ თქვენგანს, ცხოვრებაში ერთხელ მაინც ჰქონია მომენტი, როცა ტაქსიში მჯდარი, გადამცემში, ოპერატორის უწყვეტ საუბარს შეუწუხებიხართ. თუმცა ალბათ არასდროს დავფიქრებულვართ იმაზე, რამხელა შრომა და პასუხისმგებლობა დგას ამ ყველაფრის მიღმა. ტაქსის ოპერატორები- ადამიანები, რომლებიც მძღოლებს გაკავშირებენ და თქვენს გადაადგილებას უზრუნველყოფენ. 18 წელი ამ საქმიანობით, ია აბაბიკოს პორტრეტი მაცნეში.
ამ, ხმას ალბათ ყველა ის ბათუმელი ცნობს, რომელიც ქალაქში ტაქსით გადაადგილდება. უკვე თვრამეტი წელია, ია აბაბიკო, ტაქსის ოპერატორია. მიუხედავად ბევრი სირთულისა, მისთვის ეს საქმიანობა კომფორტის ზონას წარმოადგენს. ამბობს, რომ თავი სხვა სფეროში არ წარმოუდგენია.
მუშაობს თეთრთმეტი მობილურით, არის შემთხვევები, როდესაც ყველა ტელეფონი ერთდროულად რეკავს. მუშაობის პრინციპი, როგორც თვრამეტი წლის წინ ახლაც იგივეა - მგზავრი ყოველთვის მართალია. ხშირად ჰყავს გაბრაზებული მომხმარებლები, თუმცა, ხშირად არიან ისეთებიც, რომლებიც მის მიმართ მადლიერებას გამოხატავენ.
დღეში ასობით შეკვეთაა და ასობით ადამიანთან საუბარი უწევს. ამბობს, რომ თუ საკუთარი საქმიანობა მთელი გულით არ გიყვარს, ამას ვერ შეძლებ. გარდა მგზავრებისა ყველა მძღოლს რუკის საშუალებით აკონტროლებს.
ცხოვრების დიდ ნაწილს ოფისში, გადამცემთან და მობილურებთან ატარებს. გვიყვება, რომ სამსახური მისთვის მეორე ოჯახია. ოჯახი, სადაც წლების წინ, საკუთარი თავი იპოვა და რომელიც ახლა ყველაზე მეტად უყვარს.
2
s
s
s