აჭარის უმაღლესი საბჭოს ახალი შემადგენლობა შეიკრიბება | პარალელურად აქცია გაიმართება

დღეს, 12 საათზე, აჭარის უმაღლესი საბჭოს ახალი შემადგენლობა შეიკრიბება. სხდომას ტრადიციულად, უხუცესი წევრი გახსნის. უსკოს თავმჯდომარე კი 26 ოქტომბრის არჩევნებს შეაჯამებს. 

უმაღლესი საბჭოს თავმჯდომარის კანდიდატი კვლავ დავით გაბაიძეა. სწორედ თავმჯდომარეს, მოადგილეს და კომიტეტის ხელმძღვანელებს აირჩევენ ოცნების დეპუტატები. 

11 საათზე რეგიონის საკანონმდებლო ორგანოსთან აქციაა დაგეგმილი. ოპოზიცია უმაღლესი საბჭოს მანდატებზე უარს ამბობს და არჩევნების შედეგებს აპროტესტებს. 

ცნობისთვის, აჭარის უმაღლეს საბჭოში "ქართულ ოცნებას" 13 მანდატი აქვს, "ენმ"-ს -4, "საქართველოსთვის" -2 , "ძლიერ საქართველოს"-1, "ცვლილებისთვის" - 1.