სანებართვო პირობების დარღვევით წარმოებული მშენებლობის ექსპლუატაციაში მიღებასთან დაკავშირებული ამნისტიის ფარგლებში 74 განაცხადი დარეგისტრირდა| მუნიციპალური ინსპექცია

სანებართვო პირობების დარღვევით წარმოებული მშენებლობის ექსპლუატაციაში მიღებასთან დაკავშირებული ამნისტიის ფარგლებში 74 განაცხადი დარეგისტრირდა. ინფორმაციას ამის შესახებ ბათუმის მუნიციპალური ინსპექცია ავრცელებს. 

"ინსპექციამ ექსპლუატაციაში მიღების ბრძანება მათგან მხოლოდ 5 ობიექტზე გამოსცა; 13 განაცხადი ამ დრომდე განხილვის პროცესშია; 9-ზე გამოიცა უარის ბრძანება; 47 ობიექტის საქმე კი არასაკმარისი დოკუმენტაციის გამო განუხილველი დარჩა.

მიმდინარე წელს კი ექსპლუატაციის განყოფილებაში შენობა-ნაგებობის მიღების მოთხოვნით 47 განაცხადი შემოვიდა, მათ შორის: 10 ობიექტზე გამოიცა ექსპლუატაციაში მიღების ბრძანება; 3 განხილვის პროცესშია; 27 ობიექტზე გამოიცა უარის ბრძანება; 7 ობიექტის საქმე განუხილველი დარჩა.

ბათუმის მუნიციპალურ ინსპექციაში, სამსახურის შექმნიდან დღემდე, ექსპლუატაციის მიღების მოთხოვნით, სულ 415 განაცხადია რეგისტრირებული, მათ შორის კანონით განსაზღვრული ნორმები 99-მა ობიექტმა დააკმაყოფილა."- წერია ინსპექციის მიერ გავრცელებულ განცხადებაში