ჯაბა ფუტკარაძე და ზაზა შავაძე გაათავისუფლეს | მათ ედნარ ნატარიძე და დენის სალუქვაძე ჩაანაცვლებენ

აჭარის ფინანსთა და ეკონომიკის, ასევე სოფლის მეურნეობის მინისტრებმა, ჯაბა ფუტკარაძემ და ზაზა შავაძემ თანამდებობები დატოვეს. მათ ედნარ ნატარიძე და დენის სალუქვაძე ჩაანაცვლებენ.

ედნარ ნატარიძე ბათუმის მერიის საფინანსო-საბიუჯეტო სამსახურის უფროსის თანამდებობაზე მუშაობდა. დენის სალუქვაძე კი 2023 წლიდან პარლამენტის გარემოს დაცვისა და ბუნებრივი რესურსების კომიტეტის აპარატს ხელმძღვანელობდა.

თანამდებობებზე ახალი კადრები სულხან თამაზაშვილმა დღეს წარადგინა. მისი აჭარის მთავრობის თავმჯდომარის პოსტზე დანიშვნის შემდგომ რეგიონში მასიური საკადრო ცვლილებები დაიწყო. თანამდებობები დატოვეს ბათუმის და ქობულეთის მერებმა, არჩილ ჩიქოვანმა და ლევან ზოიძემ.