ბათუმში აქცია გაიმართა

„გახსოვდეს გავრილოვის ღამე! ბოიკოტი რუსულ რეჟიმს!“- ბათუმში,  აქცია გაიმართა. ევროპის მოედანზე  შეკრებილებმა განაცხადეს, რომ არ უნდა დავივიწყოთ 2019 წლის 20 ივნისი, ამ დღეს განვითარებული მოვლენები, რეზინის ტყვიები და თვალებდათხრილი ადამიანები.  შეგახსენებთ, პარლამენტში გამართული მართლმადიდებლობის  გენერალური ასამბლეის სესიას რუსეთის დუმის დეპუტატი სერგეი გავრილოვი გაუძღვა. მაშინ, პროტესტის შედეგად, ღონისძიება ჩაიშალა და  აქციები დაიწყო, რომელიც ძალის გამოყენებით დაარბია ხელისუფლებამ. შედეგად დაშავდა 240-მდე ადამიანი, მათ შორის, 80-მდე სამართალდამცავი. აქციაზე დაშავებულმა რამდენიმე ადამიანმა დაკარგა თვალი.