ბათუმში, თევზის ფესტივალი ჩატარდება - ცნობილია თარიღი

7 აპრილს, ბათუმში, თევზის ფესტივალი ჩატარდება. ორგანიზატორების განცხადებით, პანდემიისა და შემდეგ რუსეთ-უკრაინის ომის გამო ღონისძიება, აჭარაში 3 წელია არ ჩატარებულა, შესაბამისად, წელს განსაკუთრებული სამზადისია. ფესტივალის დაარსების მთავარი იდეა თევზის კვებითი ღირებულების მნიშვნელობის გაზიარებაა.

ღონისძიებაში მონაწილეობას ფერმერებთან ერთად, რესტორნების წარმომადგენლებიც მიიღებენ. გაიმართება გამოფენა-გაყიდვა. ჩატარდება თევზის მომზადების მასტერკლასები, იქნება გასართობი აქტივობებიც.