ქობულეთი აჭარაში ერთადერთი მუნიციპალიტეტია, სადაც საახალწლო განათებების მონტაჟი დასასრულს უახლოვდება

ქობულეთი აჭარაში ერთადერთი მუნიციპალიტეტია, სადაც საახალწლო განათებების მონტაჟი დასასრულს უახლოვდება. ქალაქის ცენტრალური ნაწილი საახალწლო გირლიანდებით უკვე მოირთო. მერიის ინფორმაციით, დეკორაციებისთვის 117 ათასი ლარი დაიხარჯა. უწყებაში გვითხრეს, რომ ილუმინაციები ეტაპობრივად ჩაირთვება.

რაც შეხება ახალი წლის მთავარ ატრიბუტს, მერიის ცნობით, იგი 25 დეკემბერს საზეიმოდ აინთება. ნაძვის ხის შესაძენად ბიუჯეტიდან 147 ათასი ლარი დაიხარჯა.

აჭარის სხვა მუნიციპალიტეტებში კი, საახალწლო განათებების მონტაჟი ჯერ არ დაუწყიათ. ხულოში, შუახევში, ქედასა და ხელვაჩაურში გვითხრეს, რომ სადღესასწაულო დეკორაციების ჩართვა თვის ბოლოსაა დაგეგმილი, სამუშაოები კი მალე დაიწყება.