კაცს ცეცხლსასროლი იარაღიდან რამდენჯერმე ესროლეს

სისხლიანი გარჩევა თბილისში - კაცი ცეცხლსასროლი იარაღიდან რამდენჯერმე ესროლეს. შემთხვევა მეტროსადგურ დელისთან მდებარე ბიზნესცენტრის ეზოში ცოტა ხნის წინ მოხდა.

კაცი სასწრაფო-სამედიცინო დახმარების ჯგუფმა კლინიკაში გადაიყვანა. ადგილზე სამართალდამცავები და ექსპერტ კრიმინალისტები მუშაობენ.

შინაგან საქმეთა სამინისტროს ცნობით, მომხდარზე გამოძიება სისხლის სამართლის კოდექსის 117-ე და 236-ე მუხლებით დაიწყო, რაც ჯანმრთელობის განზრახ მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.