ქურდობის ფაქტი ქობულეთში

ქობულეთში ყვავილების ორანჟერია გაძარცვეს. შემთხვევა სოფელ ხუცუბანში მოხდა. ფაქტი TV25.GE-ის "ევროეზო"-ს ცხელ ხაზზე დაუდასტურეს.

მათი თქმით, ადგილზე სამართალდამცავები უკვე იმყოფებოდნენ და მიმდინარეობს საგამოძიებო მოქმედებები. ჩვენი ინფორმაციით წაღებულია 300-მდე დეკორატიული ნაძვის ხე. მცენარეები ტერიტორიის იმ ნაწილიდან წაიღეს, სადაც ვიდეო-კამერები არ არის განთავსებული.

"წაღებულია ყვავილები, ზარალის ზუსტი ოდენობა ჯერ არ ვიცით, ძალიან ცუდი ფაქტი მოხდა," - გვითხრა "ევროეზოს" წარმომადგენელმა.

შინაგან საქმეთა სამინისტროდან დამატებით დეტალებს ველოდებით.