შვილმა დედა მძიმედ დაჭრა და ერთი პირი მოკლა - დაჭრილი საავადმყოფოში გადაიყვანეს

მკვლელობა ფონიჭალაში - გავრცელებული ინფორმაციით, ქვემო ფონიჭალაში შვილმა, დედას, სავარაუდოდ, დანით ჭრილობები მიაყენა, მასთან ერთად მყოფი პირი კი მოკლა.

დაჭრილი ქალი სასწრაფო დახმარებამ საავადმყოფოში გადაიყვანა.

არსებული ცნობებით, თავდამსხმელი იდენტიფიცირებულია, თუმცა ჯერ დაკავებული არაა.

შინაგან საქმეთა სამინისტროში ამბობენ, რომ გამოძიება სისხლის სამართლის კოდექსის 108-ე და 19/109-მუხლებით მიმდინარეობს, რაც განზრახ მკვლელობასა და დამამძიმებელ გარემოებებში განზრახ მკვლელობის მცდელობას გულისხმობს.