ტვ პირველის ჟურნალისტსა და ოპერატორს უცნობი პირები თავს დაესხნენ, აგინეს და ფიზიკური შეურაცხყოფა მიაყენეს

ტვ პირველის ჟურნალისტს, ნანუკა ქაჯაიას და ოპერატორს პაპუნა ხაჩიძეს უცნობი პირები თავს დაესხნენ, აგინეს და ფიზიკური შეურაცხყოფა მიაყენეს. როგორც გაირკვა მედიის წარმომადგენლებზე ძალადობის მიზეზი, ტვ პირველის მიკროფონები გახდა.

ჟურნალისტებზე თავდასხმას წინ უძღოდა ,,ქართული ოცნების" ლიდერის, მამუკა მდინარაძის, შეურაცხყოფა, რომელიც დეპუტატმა "შაბათის ეთერის" ჟურნალისტს, ნანუკა ქაჯაიას დას, ნატა ქაჯაიას, მიაყენა.

კიდევ ერთი თავდასხმა ,,ტვ პირველის" გადამღებ ჯგუფზე ერთი კვირის წინ, ბათუმში, მოხდა. ოპერატორს, მურმან ზოიძეს, სიტყვიერი და ფიზიკური შეურაცხყოფა უცნობმა  პირებმა მცირეწლოვანი ბავშვების და არასამთავრობო ორგანიზაციების თვალწინ მიაყენეს.