ქათმის სალათი მაიონეზის გარეშე - მარტივი და სწრაფად მოსამზადებელი კერძი

ქათმის სალათი მაიონეზის გარეშე მარტივი, სწრაფად მოსამზადებელი, გემრიელი და ნოყიერი კერძია.

დამზადების დრო: 30 წთ. ულუფა: 1-2.

ინგრედიენტები:

ქათმის ფილე  200გრ;
წითელი ბულგარული წიწაკა  1ც;
ხახვი  1/2თ;
ძმარი  1ს/კ;
ზეთი  2ს/კ;
მარილი, პილპილი გემოვნებით;

მომზადების წესი:

ფილე მოვხარშოთ მარილწყალში, გავაცივოთ. დავჭრათ პატარა კუბიკებად, დავამატოთ ღერებად დაჭრილი ბულგარული, ალყა-ალყა დაჭრილი ხახვი. ზეთი გავაცხელოთ, დავამატოთ ძმარი, მარილი, პილპილი და ცხელივე მოვასხათ სალათს, ამოვურიოთ, შევდგათ მაცივარში  რამდენიმე სთ. ქათმის სალათი მაიონეზის გარეშე მოვრთოთ მწვანილით.

გემრიელად მიირთვით!