აგენტების კანონის პროტესტისას პოლიციელების სავარაუდო დანაშაული არ გამოძიებულა | საია

აგენტების კანონის პროტესტისას პოლიციელების სავარაუდო დანაშაული არ გამოძიებულა. ამის შესახებ განცხადებას საქართველოს იურისტთა ასოციაცია ავრცელებს. ორგანიზაციის შეფასებით, იმ ფონზე, რომ არც ერთი სამართალდამცავი  პასუხისგებაში არ მიცემულა, ე.წ რუსული კანონის პროტესტის მონაწილეების მიმართ საქმეები ჯერ კიდევ აქტიურია. მესამე სექტორის მიხედვით, სასამართლო პროცესების მონიტორინგი წლებია ავლენს, რომ ხშირ შემთხვევაში აღკვეთის ღონისძიების სახით შეფარდებული პატიმრობის ძალაში დატოვების მიზანშეწონილობის განხილვა ფორმალურ ხასიათს ატარებს. ამასთან, ხაზგასმულია პროცესების დაგვიანებით დაწყებაც. საია-ს ცნობით, ანტირუსულ აქციებზე დაკავებულ პირთა საქმეების პროცესების ნაწილი 20 წუთი და მეტი დროით დაგვიანდა, ერთ შემთხვევაში 50 წუთითაც.