ბათუმში, საცხოვრებელ კორპუსში ხანძარია - ადგილზე მეხანძრეები იმყოფებიან

ხანძარი ბათუმში - ცეცხლი პუშკინის 158 ნომერში მდებარე საცხოვრებელ კორპუსში გაჩნდა. ამის შესახებ TV25.GE-ის ადგილობრივებმა აცნობეს.

როგორც თვითმხილველი გვიყვება, ცეცხლი ნაძვის ხეს გაუჩნდა. ამ დროს სახლში არავინ იმყოფებოდა და სახანძრო-სამაშველო სამსახური მეზობლებმა გამოიძახეს.

"სახლში არავინაა, გასულები არიან, ნაძვის ხე განათებული დაუტოვებიათ და ცეცხლი გაუჩნდა. მეზობლებმა გამოიძახეს სახანძრო, მაშველები მუშაობენ", - გვითხრა თვითმხილველმა.

ტერიტორიაზე პოლიციაა მობილიზებული.