მოქალაქემ პროკურატურასთან, ბასრი საგნით თვითდაზიანება მიიყენა

ქუთაისში, პროკურატურასთან მოქალაქემ ბასრი საგნით ხელებზე თვითდაზიანება მიიყენა. შემთხვევა გუშინ მოხდა.

მზია მამრიკიშვილს პირველადი დახმარება კლინიკაში გაუწიეს. დაშავებულის თქმით, იგი პროკურატურაში საკუთარ ქონებასთან დაკავშირებული დავის გასარკვევად და პროტესტის ნიშნად შიმშილობის დასაწყებად მივიდა, თუმცა მას ადგილზე შიმშილობის უფლება არ მისცეს, რის გამოც დაზიანებები მიიყენა.

მოქალაქის განმარტებითვე, იგი წლების წინ ოქროს ბირჟაზე მუშაობდა, ერთი კილოგრამი ოქრო დაკარგა და ამ ქონების მიმთვისებელი ახლა სახელმწიფო უსაფრთხოების სამსახურთან დაახლოებული პირია, რის გამოც ქონების დაბრუნებას ვერ ახერხებს.

წყარო: ipn.ge