უბედურ შემთხვევას "ენერგო-პრო ჯორჯიას" თანამშრომელი ემსხვერპლა

უბედურ შემთხვევას საჩხერეში, "ენერგო-პრო ჯორჯიას" თანამშრომელი ემსხვერპლა. არსებული ინფორმაციით, იგი სამსახურებრივ მოვალეობას ასრულებდა, რა დროსაც ელექტრობოძი გადატყდა და კაცი დაიღუპა.

კომპანიაში აცხადებენ, რომ მიმდინარეობს შესწავლა და კომპანიის წარმომადგენლები გამოძიებასთან თანამშრომლობენ.

მათივე ცნობით, კახეთის რეგიონიდან საჩხერეში, სტიქიის მიერ მიყენებული დაზიანების აღმოსაფხვრელად დამატებითი ჯგუფები იყო გაგზავნილი, გარდაცვლილი ერთ-ერთი მათგანია. მომხდარზე მიმდინარეობს გამოძიება.