ოპოზიციამ აჭარაში უწყებების შენობებზე სახელმწიფო დროშები დაუშვა

ოპოზიციამ აჭარის მასშტაბით სხვადასხვა უწყების შენობებზე სახელმწიფო დროშები დაუშვა, მათ შორისაა, რეგიონის უმაღლესი საბჭო. ხელისუფლების ოპონენტები აცხადებენ, რომ დღეს ქვეყანაში გლოვის დღე უნდა იყოს და უკრაინაში დაღუპულ ქართველ გმირებს პატივი უნდა მივაგოთ. ლევან ანთაძის თქმით, შესაძლოა, დროშები, პროცედურულად გადაცდომებით დაუშვეს, თუმცა, ეს მოცემულ მომენტში მეორეხარისხოვანია.

„ქართულ ოცნებაში“ აცხადებენ, რომ ოპონენტებმა, პირველ რიგში დროშის შესახებ კანონს არ სცეს პატივი და მათი ქმედებით მორიგი პოპულისტური ნაბიჯი გადადგეს.