პრემიერი ირწმუნება, რომ კანდიდატის სტატუსის მისაღებად ევროკავშირის პირობების შესრულებას აპირებს

„საქართველომ მიიღო ის, რაც დავიმსახურეთ“ - ევროსაბჭოს გადაწყვეტილების გასაჯაროების შემდეგ პრემიერი საზოგადოების წინაშე შეცვლილი რიტორიკით გამოჩნდა. ირაკლი ღარიბაშვილი ირწმუნება, რომ კანდიდატის სტატუსის მისაღებად ევროკავშირის პირობების შესრულებას აპირებს.

მისი მტკიცებით, მთავრობა ამ პირობების "დროულად" შესრულებისთვის "მობილიზებულია". რაც შეეხება ევროსაბჭოს რეზოლუციის ერთ-ერთ უმთავრეს დათქმას - დეოლიგარქიზაციას, ღარიბაშვილი მიიჩნევს, რომ ქვეყანაში ეს გამოწვევა არ დგას.